Бирорта маҳсулотнинг тақдимоти ёки компания маҳсулотларининг кўргазмаси ўтказилса, албатта дастурхон ёзилади, ноз-неъматлар тортиқ қилинади. Текин бутерброд, шарбатлар ёки канцелярия буюмлари тақдим этилса, одамларнинг ҳолини кўринг... Тўғрисини айтганда, бундай ҳолатни кузатиш жуда ёқимсиз ва ачинарли. 

Бундайларга қараб ўйланиб қоласан киши: шу қадар оч қолганмикан? Баъзилар 3-4та бир хил маҳсулотни (кичик маҳсулот) сумкаларига солишгача бориб етишади. 

Москва халқаро автосалони. Журналистлар куни. Ҳар ярим соатда турли стендларда тақдимотлар бўлмоқда. Оломон бир стенддан бошқасига қараб ҳаракатланмоқда, тақдимотни кузатмоқда ва у тугаши билан дарҳол тақдимот буюмлари солинган пакетларга ёпишмоқда, худди бошқалардан ўзиб кетиши керакдек бирйўла 2-3тасини олишмоқда, кейин эса қўлларида пакет билан дастурхонга қараб чопишмоқда - бутербродлар, ичимликлар... Еб-ичиб қолиш керак, ахир! 

Кундузги соат 12. Бу бир кун ичидаги олтинчи тақдимот - олтинчи марта егуликлар тарқатилиши бўлса-да, ҳамма оч.

Дастурхондан тортиб кетишмасидан пакетни олиб, нарсаларни солиб, еб-ичиб, дастурга қараб, кейинги стендга ўтиш керак, у ерда ҳам худди шу ҳолат такрорланади...

Одамларнинг кийимларига эътибор беринг ва егулик учун навбатда турганларни таққосланг - ўша-ўша кишилар. 

10 дақиқадан сўнг аҳвол мана бундай - ичидан ҳамма нарса олинган бўш пакетлар, ташлаб кетилган рисолалар, матбуот релизлари... Пакетни булар учун олишмаган-да! Бу қоғозларнинг кераги йўқ. 

Асосийси - егуликлар ва совға-саломларни қўлдан бой бермаслик. Мана кўргазма ва тадқиқотларнинг салбий томонлари. 

Бундай ҳолатлар ўзимизда ҳам бисёр. Бирор янги дўкон очилиши ёки маҳсулотлар тақдимотида текин деса, чопадиганлар талайгина. Нега шундай? Қорин очлигиданми ё кўз очлигими бу? Хулоса чиқариш ўзингиздан, шунчаки бунинг ташқаридан нақадар аянчли манзара ҳосил қилишига ўзингиз ишонч ҳосил қилинг.

Манба: s.anashkevitch@me.com (aquatek_filips)