Косоводан ИШИД террорчилик гуруҳи жангариларини тайёрлаш ва танлаш майдони сифатида фойдаланилмоқда. Бу ҳақда БМТ Хавфсизлик кенгашидаги Россиянинг доимий вакили Виталий Чуркин айтиб ўтган.

«Ҳуқуқ-тартибот органлари ва хавфсизлик тизимининг кучсизлиги туфайли Европанинг қоқ марказида “кулранг зона” пайдо бўлди… Бу эса у ерда террорчиларни танлаш ва тайёрлашга замин яратмоқда. ИШИД таркибида европаликлардан жанг қилувчилар орасида Косово кучли учликка киради», — деб Чуркиннинг сўзларидан иқтибос келтирмоқда РИА “Новости”.