WSJ: Microsoft ва Intel компанияларига киберхавфсизлик қоидаларини ишлаб чиқишга рухсат берилди

Технология 26 Август 2016 2916

Хитой ҳукумати киберхавфсизлик стандартларини ишлаб чиқишда хорижий технологик компанияларни таклиф этди, деб хабар қилмоқда The Wall Street Journal нашри ўз манбасига таянган ҳолда. 

Шундай қилиб, Microsoft, Intel, Cisco ва IBM, ҳукуматнинг ушбу масала бўйича ташкил этилган Technical Committee 260 таркибида фаолият юритиши мумкин бўлади. 

«Бу ҳали бошланиши, бироқ шунинг ўзи ҳам Хитой халқаро технологик маҳсулотлар етказиб бериш занжирини тан олаётгани ва ўз стратегиясини бозор қоидаларига мослаштиришга уринаётганини англатади», — деган EastWest Institute вице-президенти Брюс Макконнелл.

Нашр маълумотларига кўра, Microsoft ва Cisco ўз иштирокини тасдиқлаган бўлса, IBM ва Intel ушбу таклифга ўз муносабатларини билдирганича йўқ. 

Жорий йилнинг бошларида, Microsoft, Intel, Cisco ва IBM компанияларига шунчаки кузатувчи эмас, балки жараённинг фаол иштирокчилари бўлиш таклиф этилган эди. 

Кўпроқ янгиликлар