Италия фуқаролик мудофааси департаменти Италия марказидаги вайронакор зилзиладан кейин 3 кун ичида смс-хабларлар орқали аҳолининг хайр-эҳсонлари ҳисобига 6 млн евродан кўпроқ маблағ йиғди. 

"Биринчи уч кун ичида йиғилган қиймат 6 млн 120 минг 296 еврони ташкил қилди. Пуллар фуқаролик мудофааси департаменти томонидан очилган ҳисоб рақамига мобиль алоқа операторларининг смс-хабарлари орқали махсус рақамга келиб тушди", дейилди департамент хабарида. Барча операторлар учун ягона рақам зилзила юз берган 24 августда эълон қилинди. Барча истовчиларга ўз телефон рақамларидан 2 долларлик смс-хабар юбориш таклиф қилинган.

Департамент шунингдек озиқ-овқат маҳсулотлари ва биринчи эҳтиёж буюмларини йиғиш тўхтатилганини маълум қилди, чунки маҳаллий ҳукуматнинг айтишича, тўпланган гуманитар ёрдам табиий офатдан зарар кўрган барча шаҳарлар аҳолисига етарлилик қилади, бошпанасиз қолган фуқаролар эса моддий ёрдамга муҳтожлар.

Департаментдан ташқари, зилзила жабрдийдаларига пул йиғиш билан ноҳукумат, хайрия ташкилотлари, радио ва телевидение шуғулланмоқда.

Охирги маълумотларга кўра, зилзила қурбонлари сони 290 га етди. 400 га яқин одам жароҳат олган, 2 мингдан кўпроқ одам бошпанасиз қолган.