ОАВ: Су-24 Туркия армиясига Суриядаги амалиётларни бошлашга халақит берган

Жаҳон 27 Август 2016 10183

Турк мухолифати намояндаси Фатҳуллоҳ Гулен тарафдорлари ва Россиянинг Су-24 бомбардимончи самолёти уриб туширилиши билан боғлиқ ҳодиса, Туркия армиясига Суриянинг Жараблус шаҳрида жанговар ҳаракатларни бир йил аввал бошлашига имкон бермаган эди, деб ёзмоқда Hurriyet нашри юқори лавозимли турк мулозимига таянган ҳолда. 

«Турк ҳукумати қуруқликдаги амалиётлар устида 2 йилдан ортиқ вақт ишлади. Биз Жараблусга киришга яқин турган эдик. 2015-йил июнида коалициядаги иттифоқчилар, хусусан Қўшма Штатлар билан бу масала муҳокама қилинганди», — деган манба нашрга.
 
Унинг сўзларига кўра, «мудофаа маъмуриятидаги айрим қўмондонлар Туркиянинг режаларини барбод қилишни истаган». 

«Улар, ҳарбий қудратнинг етишмаслигини уқдириш каби турли баҳоналарни илгари суришган, бу ўз навбатида ҳукуматга ИШИДга қарши ҳарбий ҳаракатларни бошлашга имкон бермаган». 

Юқори лавозимли турк мулозимининг айтишича, гап Гулен тарафдорлари бўлган ва ўтган ойда давлат тўнтаришида иштирок этган ҳарбийлар ҳақида бормоқда. 

Манбанинг таъкидлашича, Жараблуснинг Туркия ва Сурия озод армияси томонидан жангарилардан тозаланиши «турк ҳарбийларининг бу каби жанговар топшириқларни бажаришга ҳар доим тайёр турганини исботлайди».

Унинг қайд этишича, Россия ҲККнинг Су-24 самолёти билан боғлиқ нохуш воқеа ҳам жанговар ҳаракатларни бошлашга тўсқинлик қилган. 

«Шундан сўнг...ҳаводан қўллаб-қувватлашнинг имкони йўққа чиқарилгач, режаларни амалга ошириш мумкин бўлмаган». 

Манбанинг қўшимча қилишича, Туркия Россия билан муносабатларини тиклаганидан сўнг, ҳарбий амалиётларни бошлаш имконига эга бўлган. 
 

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар