General Dynamics Electric Boat кемасозлик корхонаси АҚШ Ҳарбий денгиз кучларига 2,7 млрд долларлик атом сувости кемасини тақдим этди. Бу ҳақда Ассошиэйтед Пресс хабар берган.

Агентлик маълумотига кўра, субмарина тайёр бўлиши учун деярли 5,5 йил муддат сарфланган. Унга мамлакат президенти Барак Обаманинг рафиқаси Мишель Обама туғилган штат шарафига USS Illinois номи қўйилади.

Биринчи хоним сувости кемаси ишини ва унинг экипажи ҳаётини кузатиш учун ташриф буюриши кутилмоқда.

Субмаринанинг сувга туширилиши маросими Коннектикут штатидаги Гротон шаҳрида 29 октябрь куни бўлиб ўтади.