Японларнинг янги Mitsubishi Regional Jet (MRJ) йўловчи самолёти кондиция тизимидаги муаммо бартараф этилгач, АҚШга синов парвозини бошлади. Бу ҳақда Kyodo хабар берган.

Mitsubishi Aircraft Corporation компанияси самолёти Япониянинг Нагоя шаҳридан учган. Режага кўра, самолёт аввалига Хоккайдода тўхтайди. Кейин Россия ва Аляскада ҳам ёнилғи тўлдириш учун қўнади.

Якунда самолёт АҚШнинг Вашингтон штати ҳудудидаги Грант Каунти номли халқаро аэропортида тўхташи режалаштирилган.

MRJ - японларнинг илк реактив йўловчи самолёти бўлиб, у 2500 соат давомида уча олса, хавфсизлик сертификатини олади.