Венесуэланинг собиқ президенти Уго Чавеснинг ҳаёти ҳақида фильм суратга олинади. Бу ҳақда унинг издоши Николас Мадуро маълум қилган.

"Биз трансмиллий корпорациялар Уго Чавеснинг қиёфасини бузиб кўрсатишни истамаймиз", дея Мадуронинг сўзларини келтиради ТАСС агентлиги.

У бу орқали айни вақтда Чавес ҳақида сериал ишлаётган америкаликларнинг Sony кинокомпаниясига жавоб қайтарилишини қўшимча қилган. Sony томонидан ишланаётган фильмда Чавес ролини колумбиялик актёр Андрес Парра ижро этмоқда. У бундан олдинроқ наркобарон Пабло Эскобар образини гавдалантирганди.

Венесуэлалик киноижодкорлар "боливар революцияси"ни жонлантиришмоқчи ва бунда Чавес билан таниш бўлган кишиларнинг хотираларидан, шунингдек, испаниялик сиёсатшунос ва журналист Игнасио Рамонетанинг "Уго Чавес. Менинг биринчи ҳаётим" номли китобидан фойдаланишмоқчи. Унда муаллиф ва сиёсатчининг жами 200 соатлик суҳбатлари ўрин олган. Сиёсатчи суҳбатларда ўз болалиги ва ёшлик чоғларини эслаган.

Сценарийнавис Луис Брито Гарсия ҳамкорлигидаги ушбу фильмга Роман Чальбауд режиссёрлик қилади.