29-август Ядро синовларига қарши халқаро ҳаракатлар куни ҳисобланади. У, 2009-йил 2-декабрь куни БМТ Бош Ассамблеяси резолюцияси томонидан тасдиқланган. 

Ушбу масала бўйича ҳужжат лойиҳаси Қозоғистон томонидан таклиф этилган бўлиб, 26 давлат, хусусан Арманистон, Белоруссия, Тожикистон ва Туркманистон каби мамлакатлар ҳаммуаллифлик қилган. 

1991-йил 29-августда Қозоғистон давлат раҳбари Назарбоев фармонига кўра,  Семипалатинск ядро синов полигони расман ёпилди. Бу эса, мамлакатнинг дунёдаги йирик захиралардан бири бўлган ядро қуролидан воз кечиш жараёнини бошлаб берган эди. 

Собиқ Семипалатинск ядро полигони 1949-йилда ташкил этилган бўлиб, Ердаги иккинчи йирик ядро полигони ҳамда дунёдаги тўртинчи ядро қуроли омборхонаси ҳисобланарди. 

Ядро синовларига қарши халқаро ҳаракат куни, ядро қуролининг синалиши ва бошқа ҳар қандай портлаши оқибатларидан ҳамда уни тақиқлаш заруратидан инсонларни огоҳ этиш мақсадини ўзида мужассам этган. 

Бу кун 2010-йилдан нишонлаб келинади. Шу муносабат билан бутун дунё бўйлаб, ушбу мавзуда турли симпозиумлар, конференция ва кўргазмалар ташкил этилади. Маърузалар, эшиттириш ва кўрсатувлар тайёрланади. 

Бугунги кунда, ядро қуролига эга давлатлар норасман “Ядро клуби” аъзоси ҳисобланади. Булар қуйидагилардир: 

1.  АҚШ
2.  Россия (собиқ СССР)
3.  Буюк Британия
4.  Франция 
5.  ХХР
6.  Ҳиндистон
7.  Покистон 
8.  КХДР
9.  Исроилда ядро қуроли мавжуд деган тахминлар мавжуд.