Американинг Ҳавайи оролларида бир йиллик илмий тадқиқот якунланди. Унда, Марс сайёрасига парвоз қилиш тақлид қилинган эди. Бу ҳақда, Ҳавайи Университети вакиллари маълум қилишди. Улар NASA билан биргаликда HI-SEAS деб номланган ушбу лойиҳани ташкил этишганди. 

2015-йил 28-августида бошланган тажриба шартларига кўра, АҚШ, Франция ва германиялик 6 нафар кўнгилли 366 кун мобайнида бутунлай ташқи дунёдан узилган ҳолда, Марс пейзажини хотирлатувчи Мауна-Лоа ухлаётган вулқон ёнбағрида барпо этилган махсус гумбаз шаклидаги ёпиқ мажмуада истиқомат қилишган. 

""Марс жамоаси" бир йил ўтиб, Ҳавайи оролларидаги гумбаздан Ер цивилизациясига қайтишди", - дейилади Twitter тармоғидаги HI-SEAS саҳифасида.