Шотландиянинг «Селтик» ва «Рейнжерс» жамоалари Англия футболи пирамидасига қўшилиши мумкин.

Англия футбол лигаси ижрочи директори Шон Харвининг маълум қилишича, бу масала Лига клублари йиғилишида ўртага ташланади. Бу йиғилишда профессионал лигалар сонини 5тага ошириш масаласи ҳам кўриб чиқилади.

Агар бешинчи лига ташкил этилса, «Селтик» ва «Рейнжерс» АПЛнинг бешинчи дивизионига қабул қилиниши мумкин.

Бундан олдинги хабарларда, Англия футбол лигаси 2019 йилда АПЛдан ташқари мавжуд 3та профессионал лига ўрнига яна 4та лига ташкил қилмоқчилиги, ҳар бир дивизиондаги иштирокчи жамоалар сонини 20тага туширишни (чемпионшипда 24та жамоа иштирок этади - таҳр.) режалаштираётгани айтилганди.

Манба: Tribuna.uz