Спорт билан шуғулланувчи энг ёши улуғ инсонлар

Lifestyle 29 Август 2016 7082

Югуриш, сузиш, йога, рақс ва ҳаттоки кроссфит – буларнинг барчаси билан истаган ёшингизда шуғулланишингиз мумкин, бунинг учун ўйлаб топилган чекловларни хаёлингиздан чиқариб ташласангиз, бас. Қуйида эътиборингизга ҳавола қилинадиган ҳикоялар – бунга яққол мисол бўла олади. 

Ширли Уэбб 78 ёшида 100 килограммдан ортиқ тош кўтаради

Икки йил аввал иллинойслик Ширли Уэбб невараси билан бирга спорт залига қатнай бошлади. Ўша пайтда унинг полдан туриши учун стул ёки бирор бир таянч керак бўлган. Зинадан эса фақат суянчиқни ушлаб чиққан. Икки йил ўтиб эса, Уэбб бу икки ишни ҳам  муваффақиятли бажараётгани ҳақида ғурур билан сўзламоқда. Буларнинг барчаси оғир атлетика бўйича мураббий Жон Райт туфайлидир, унинг шу пайтгача бундай ёшдаги шогирдлари бўлмаган. Ширлининг 90 килограммли штангани кўтариши учун ярим йил вақт керак бўлди. 

Айда Херберт 76 ёшида йога бўйича инструкторга айланди

Айда Херберт 60-йилларда йога ҳақида эшитиб қолади. У пайтлар 50 ёшли аёл Торонтода истиқомат қилган, мактабда котиба бўлиб ишлаган ва мунтазам равишда “ўзи ёқтирмаган аэробика машқлари”ни бажарган. Бир куни эрталаб Айда спорт залида “асана”ни бажараётган аёлга кўзи тушади. Бу ташқаридан жуда ноодатий кўринади, шу сабаб Херберт унга қизиқиб қолади. У йога билан шуғуллана бошлади, шунинг баробарида бу мавзудаги адабиётларни ўрганишга киришади. Нафақага чиққандан сўнг Хербертлар жуфтлиги қиш мавсумини Флоридада ўтказа бошлайди ва ўша ерда Айда мураббийлик билан шуғулланади. Аёл ўзи севган машқларни бошқа хоҳловчиларга бепул ўргатади. Кейинчалик Айда йога бўйича инструктор сертификатини қўлга киритади. 2012 йилнинг куз ойларида 96 ёшли Айда Херберт йога бўйича энг ёши улуғ инструктор сифатида Гиннеснинг рекордлар китобига киритилди.  

Робер Маршан 67 ёшида велоспортга қайтди

Робер Маршан — 35 ёшида (1946 йил) Grand Prix des Nations’да еттинчи ўринни эгаллаган француз велопойгачиси. У спортга 1978 йилда қайтди ва шу кунларга қадар буни канда қилмайди. 2012 йилнинг февраль ойида Робер Маршан “100+” ёш таснифида жаҳон рекордини ўрнатди: у бир соатда 24 250 метрлик масофани босиб ўтди. 2014 йилда 102 ёшли спортчи ўз натижаларини 26 927 метрга янгилади.

Жеффри Лайф 59 ёшида спорт билан шуғуллана бошлаган

Жеффри Лайф 1997 йилда ортиқча вазнга эга, соғлиғи тобора ёмонлашиб бораётган 59 ёшли оилавий шифокор бўлган. Пойафзал боғичларини боғлаш у учун муаммога айланганди, нафас олиши оғирлашиб, қорни катталашиб борарди, мушак ва бўғимлари оғриқдан азоб чекарди. Кунлардан бир кун Лайф фитнес журналида Body-for-LIFE танлови ғолиби ҳақидаги мақолани ўқиб қолади ва ўз танаси билан шуғулланадиган вақт келганини англаб етади. Тўғри парҳез ва жисмоний машқлар туфайли Жеффри 60 ёшида худди ўша Body-for-LIFE танловининг чемпионига айланади. Ҳозир Жеффри 77 ёшда, шунга қарамай, у жисмоний жиҳатдан айнан етук паллада. У ҳафтада беш марта спорт залига боради, соғлом турмуш тарзига оид учта китоб ёзди ва шифокорлик амалиёти билан шуғулланишда давом этмоқда. 2012 йилда у Men’s Fitness журналига кўра, спорт билан шуғулланувчи дунёнинг энг кўркам 25 эркаги рўйхатидан ўрин олган. 

Патрисия Фужи 84 ёшида югуришда давом этмоқда

Агар “югуриш учун энди кеч” деб ҳисобласангиз, Патрисия Фужига бир қаранг! У 66 ёшида югуриш билан шуғуллана бошлади. Ҳаттоки 2008 йилда унга қўйилган сут безлари саратони ташхиси ҳам Патрисияни тўхтата олмади. У “50+” ёш таснифидаги 50, 100 ва 200 метрли масофага югуриш бўйича Senior Olympics мусобақаларида бугунги кунгача иштирок этиб келмоқда.

Инсонга илҳом бағишловчи мисоллар жуда кўп. Асосийси – ўзингизни муддати чекланган буюмдек ҳис қилишни бас қилинг ва бундай хаёлларга йўл қўйманг. Сизнинг ёшингизда спорт билан шуғулланиш мумкин эмас, деб ким айтди? Шуғулланиш мумкин. Шундай экан, соғлом ҳаёт тарзи томон олға!

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 47424 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7647 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18814 Ўзбекистон
Испаниядаги терактларда 34 мамлакат фуқароси ҳалок бўлди ва жабрланди
19:13 19 Жаҳон
Россиянинг собиқ президенти Ельцин юрган лимузин сотувга қўйилди
19:07 228 Жамият
Трамп ижтимоий тармоқдан кетса, Twitter 2 миллиард доллар зарар кўради
18:55 422 Жаҳон
Франция чемпионати ўйинлари бир дақиқа сукут сақлаш билан бошланади
18:50 454 Спорт
1 сентябрда Ерга улкан астероид яқинлашади 
18:45 1283 Жаҳон
Эрдўған ГФРдаги туркияликларни Меркель ва Шульцга овоз бермасликка чақирди
18:40 642 Жаҳон
Қуёшдан ҳимояловчи энг қимматбаҳо 10 кўзойнак
18:35 2473 Lifestyle
Кўпроқ янгиликлар