Россия Туркияга чартер парвозларга тақиқловни бекор қилганидан кейинги Туркияга илк чартер рейс 2 сентябрь куни амалга оширилади. «Интурист» компанияси Turkish Airlines авиакомпанияси самолёти оқали Туркиянинг Анталия шаҳрига россиялик сайёҳларни юборади. Бу ҳақда Россия туроператорлари уюшмаси (АТОР) томонидан маълум қилинган.

«Интурист» компанияси ортидан TUI компанияси ҳам Туркияга чартер рейслар тикланганини маълум қилган.

АТОР маълумотларига кўра, чартерлар фаолияти тикланиши бир неча кунни талаб қилади. Компанияларга Туркия томонидан рухсат олиш ва парвозларни амалга ошириш учун  самолётлар топиш керак бўлади.

АТОР томонидан тахмин қилишишича, туроператорлар нархларни 20 фоизга туширади ва нархлар одатий рейсларникига тенглашади.

Шу билан бирга АТОР ижрочи директори Майя Ломидзе ТАСС ахборот агентлиги учун берган интервьюсида Туркияга илк чартер рейслар 4-5 сентябрь кунлари амалга оширилишини айтиб ўтган.

28 август кунида Россия авиакомпаниялари Туркияга чартер рейсларни тиклай бошлаши ҳақида хабар берилганди.