Бирлашган Араб Амирликлари Абу-Даби шаҳри ҳукумати кўп қаватли бинолар ва шаҳар кўчаларида аёллар учун махсус автотураргоҳларни жиҳозлашди, деб хабар қилган амирликда чоп этиладиган The National нашри.

Жами бўлиб, оқ ва пушти рангларга бўялган 200га яқин автотураргоҳлар пайдо бўлган. 

Абу-Даби муниципал ишлари ва транспорт департаменти хабарига кўра, бу жойлар аёлларнинг "машиналарига бўш жой қидиришлари ва уларнинг шахсий дахлсизлигини таъминланишида ёрдам беради".

Аёллар учун автомобиль тураржойлари шаҳарнинг турли ҳудудларида, давлат идоралари, меҳмонхона ва соҳилбўйида ўрнатилган. 

Инспекторлар, мазкур махсус жойларга эркаклар ўз машиналарини жойлаштирмаслигини назорат қилиб туришади. Қоидабузарларга жарима солинишидан ташқари, уларнинг автомобили мусодара қилинади.