БМТ Хавфсизлик кенгаши Ливан жанубида тинчликпарвар кучларни қолдиришга қарор қилди

Жаҳон 30 Август 2016 3306

БМТ Хавфсизлик кенгаши БМТнинг Ливандаги вақтинчалик кучларининг ваколатларини 2017 йил 31 августгача узайтиришга қарор қилди. Кучлар мамлакатнинг жанубида жойлашган ва Исроил билан ўт очишни тўхтатиш тартибини кузатиб боради. Тегишли резолюция бир овоздан қабул қилинди.

Ҳар йили қабул қилинадиган ҳужжатда БМТ Хавфсизлик кенгаши аъзолари Ливаннинг ҳудудий яхлитлиги ва суверенитети тарафдорлари эканликлари тасдиқланди ҳамда барча томонлар жанговар ҳаракатларни тўхтатиш режимига амал қилиш ва Исроил билан шартли чегара бўлиб хизмат қиладиган "кўк линия"нинг бузилишига йўл қўймасликка чақирилди. БМТ Хавфсизлик кенгаши Исроил ҳукуматига ўзининг армиясини чегара чизиғи орқали ўтувчи Гажара посёлкасидан олиб чиқишни тезлаштириш зарурлигини кўрсатди.

2006 йил августда БМТ Хавфсизлик кенгаши Ливанда Исроил ва "Ҳезболлаҳ" гуруҳи ўртасида жанговар ҳаракатларни тугатиш ҳақидаги резолюцияни қабул қилган. 

Айни вақтда Ливандаги тинчликпарвар кучлар таркибида 10,5 минг ҳарбий ва 850 нафар оддий ходим бор.

Кучлар Ливанда жойлаштирилгандан кейин 295 кишини, жумладан 291 ҳарбийни йўқотган. Ҳужжатда барча томонлар тинчликпарвар кучлар ходимларининг хавфсизлигини таъминлаш бўйича мажбуриятларига сўзсиз амал қилиш ҳамда кучларнинг оралиқ ҳудудни патруль қилиши учун эркин ҳаракатланишини кафолатлашга чақирилган.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 7570 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 39736 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 63017 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 39738 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 142280 Жамият
Кун.uz офис изламоқда
15:48 / 06.08.2017 39453 Lifestyle
Миллий ахборот майдонида монополиянинг куни битди
18 август куни Ўзбекистонда ҳаво булутли бўлиши кутилмоқда
Давлат органлари ва ССП мутахассислари тадбиркорларни ўқитади
Давлат дон инспекцияси олдига янги вазифалар қўйилди
Кўпроқ янгиликлар