Англии футбол ассоциацияси томонидан«Манчестер Сити» ҳужумчиси Серхио Агуэрога «Вест Ҳэм» (3:1) клубига қарши ўйин вақтида рақиб футболчисига тирсаги билан қасддан зарба бериш айби қўйилди.

Ўйин вақтида у рақибнинг янги зеландиялик ҳимоячиси Уинстон Ридни тирсаги билан урганди.

«Серхио Агуэро қўпол ҳаракат қилганликда айбланди. Унинг ҳаракатини бош ҳакам пайқамай қолди. Аммо бу вазият видеолавҳаларда очиқ кўринмоқда. Яқин вақт ичида Футбол ассоциацияси футболчини жазолаш ҳақидаги қарорини эълон қилади», дейилган «Манчестер Сити» сайтида.

BBC Sport хабарига кўра футболчи 3 ўйинга дисквалификация қилинади. Агар бу содир бўлса, Агуэро жамоасига  «Манчестер Юнайтед», «Борнмут» ва «Суонси» жамоаларига қарши ўйинларда ёрдам бера олмайди.

Манба: Tribuna.uz