Алмазбек Атамбаев: Биз биргаликда бунинг уддасидан чиқдик – Қирғизистон давлат сифатида қарор топди!

Жамият 31 Август 2016 5687

Қирғизистон президенти Алмазбек Атамбаев бугун қирғиз халқи мустақиллигининг 25 йиллигига бағишланган байрам тантанасида иштирок этар экан, “Биз биргаликда бунинг уддасидан чиқдик – Қирғизистон давлат сифатида қарор топди”, деди. Бу ҳақида 24.kg нашри маълум қилди. 

Тадбир Ала-Тоо майдонига Давлат байроғини тантанали равишда олиб чиқиш билан бошланди. Шу вақтнинг ўзида бош трибунага ҚР Қуролланган кучлари бош қўмондони Алмазбек Атамбаев бошчилигидаги давлат етакчилари чиқиб келишди. Майдонда қад ростлаган ҳарбийларни ҚР Қуролли кучлар бош штаби раҳбари генерал-майор Раимберди Дуйшенбиев қаршилади. 

Шундан сўнг сўз Қирғизистон президенти Алмазбек Атамбаевга берилди. Давлат раҳбари ўз чиқишини анъанага кўра, Мустақиллик байрами билан қутлашдан бошлади. У қирғиз халқига мурожаат қилар экан, шундай деди: “1991 йилдан бошлаб Қирғизистоннинг янги тарихи бошланди. Халқимиз мустақиллик сари ўзига хос ва жуда мураккаб йўлдан борди”. У “афсуски, мустақилликнинг илк икки ўн йиллиги Қирғизистон тарихига йўқотилган вақт ва умидлар оқланмаган давр сифатида кириши”га изоҳ берди. 

Давлат раҳбари мамлакат жанубидаги июнь фожиасидан сўнг жамиятдаги тушкун кайфият янада кучайганини тан олди. “Шу боис Қирғизистонни қайта тиклашга йўл очиш учун ҳамма нарсага ишончини йўқотган қирғиз халқида аввал яхши ҳаётга умид уйғотиш керак бўлди. Бу қийин кечди. Бироқ ўтган 6 йилдан кейин - бугун мен ишонч билан шуни айта оламанки, биз биргаликда бунинг уддасидан чиқдик! Қирғизистон давлат сифатида қарор топди!”, - дея хулоса қилди Алмазбек Атамбаев. 
 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8714 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 9116 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9887 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 35212 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51672 Жамият
Пентагон раҳбари Ироққа эълон қилинмаган ташриф билан келди
12:26 40 Жаҳон
ОАВ: АҚШ Хитой фирмаларининг активларини музлатиб қўймоқда
12:24 307 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 411 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 317 Жаҳон
Тошкент вилояти аграрчилари қишлоқ хўжалиги техникаси билан таъминланади
Кўпроқ янгиликлар