Американинг Жорж Вашингтон Университети "Ал-Қоида" террорчи ташкилотининг собиқ ёлловчиси Жесси Мортонни, миллий хавфсизлик масалалари бўйича эксперт сифатида ишга олди, деб хабар қилмоқда CNN телеканали.

Университет қошидаги кибер- ва миллий хавфсизлик масалалари бўйича марказ экстремизм дастури вакили Симус Хьюснингсўзларига кўра, авваллари Юнус Абдуллоҳ Муҳаммад номи билан яхши таниш бўлган Жесси Мортон аксилтеррор фаолиятнинг "ноёб намунаси"ни ўтказади. 

"Биз ҳозирча, радикаллашганларни қандай ортга қайтаришни билмаймиз. Жесси эса у дунёда бўлиб қайтди", — деган Хьюс.

Телеканалнинг хабар қилишича, Мортонни ишга олишдан аввал, Хьюс бу масалани ФҚБ, хавфсизлик соҳаси вакиллари ва адвокатлар билан муҳокама қилган. Хьюс шунингдек, университетнинг янги ходимига ишонишини билдирган.