Илк Boeing-787 Dreamliner самолёти “Тошкент” аэропортига қўнди

Ўзбекистон 31 Август 2016 23158

“Ўзбекистон ҳаво йўллари” миллий авиакомпанияси 2016 йилнинг 31 август куни икки Boeing-787 Dreamliner самолётидан бирини қўлга киритди.

“Ўзбекистон ҳаво йўллари” ранглари туширилган Boeing-787 Dreamliner авиалайнери бугун, соат 10:00да “Тошкент” халқаро аэропортида қўнишни амалга оширди. Шу билан Ўзбекистон авиакомпанияси Boeing-787 Dreamliner’нинг янги эксплуатантига айланди. 

Самолёт Сиетлдан Тошкентга 12 соат давомида тўғридан-тўғри парвоз қилди. Янги Boeing-787 Dreamliner’ни учувчи инструктор Иосиф Зак, самолёт қўмондони Асаджон Турсунов ва авиакомпаниянинг бош штурмани Станислав Гурфинкеллар бошқаришди. 

Ҳаво кемасини кутиб олишга бағишланган тантанали маросим Тошкентда давлат органлари ва авиакомпания раҳбарияти иштирокида бўлиб ўтди. 

Янги самолёт узоқ ҳамда жуда узоқ халқаро йўналишларда эксплуатация қилинади ва Тошкент-Нью-Йорк йўналишида тўғридан-тўғри парвозларни амалга ошириш имконини беради. 

Boeing 787 Dreamliner — кенг фюзеляжли икки моторли реактив йўловчи самолёти. Йўловчиларнинг максимал сони: 250 нафардан 330 нафаргача.

Boeing компаниясининг таъкидлашича, Dreamliner аввалги самолётларга қараганда анча тежамкор бўлади. Boeing 787 бундай ўлчамдаги илк йўловчи самолёти бўлди, унинг фюзеляжи тўлиқ композит материаллардан тайёрланган. 

“Ўзбекистон ҳаво йўллари” МАК ва Boeing компанияси икки Boeing-787-800 Dreamliner самолёти ва заҳира двигатели харидига доир шартнома тузган. 

Шартнома қиймати 246,4 миллион долларни ташкил қилади. Ўзбекистон Республикасининг Тикланиш ва тараққиёт фонди самолётлар харидини молиялаштириш мақсадида 223,2 миллион доллар кредит ажратди. 

 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95095 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46357 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51579 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9285 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20094 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
Самарқандда жисмоний имконияти чекланган ёшлар билан очиқ мулоқот ташкил этилди
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 394 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 476 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 412 Жаҳон
Кўпроқ янгиликлар