Инфантино клублар ўртасидаги ЖЧ иштирокчиларининг сонини ошириш тарафдори

Спорт 31 Август 2016 3350

Халқаро футбол федерацияси (ФИФА) президенти Жанни Инфантино клублар ўртасидаги жаҳон чемпионати иштирок этадиган жамоалар сонини ошириш ниятида. Бу ҳақда Frankfurter Allgemeine Zeitung хабар бермоқда. 
Бугунги кунда клублар ўртасидаги жаҳон чемпионати баҳслари ҳар йили декабрь ойида ўтказилади ва унда олти қитъа турнирларида ғолиб чиққан жамоалар иштирок этади. 

Манба берган маълумотларга кўра, Инфантино аллақачон мусобақа форматини кенгайтириш дастурини ФИФАнинг юқори мансабдор шахсларига тақдим қилган. Тахминларга кўра, ФИФА кўпроқ даромад топиш учун турнирда 16 ёки 32та жамоа иштирок этишини таъминламоқчи. 

Аввалроқ Инфантино терма жамоалар ўртасида бўладиган жаҳон чемпионатида иштирокчилар сонини 32тадан 40тага ошириш тарафдори эканлигини маълум қилганди.

Кўпроқ янгиликлар