Италия миллий ўт ўчириш хизмати ходимлари Аматриче шаҳри вайронлари остидан яна бир кишининг жасадини олиб чиқишган. Шу билан табиий офат қурбонлари сони 293 нафарга етди. Эслатиб ўтамиз, мамлакат марказий туманларида рўй берган ер силкиниши оқибатида Аматриче шаҳарчаси деярли ер билан яксон бўлган, бошқа аҳоли пунктларига жиддий талофат етган эди. 

Agi агентлигининг хабар қилишича, бу Roma меҳмонхонаси вайроналари остидан олиб чиқилган олтинчи жасаддир. У ерда, яна кишининг ҳалок бўлгани тахмин қилинмоқда. 

24-август куни Италиянинг марказий қисмида Рихтер шкаласи бўйича 6 баллик зилзила рўй берган эди. Бундан энг кўп зарар кўрган шаҳар Аматриче бўлди.