Пентагонда Россия мудофаа вазирлигининг ИШИД террорчилик гуруҳи спикери Муҳаммад ал-Аднаний Россия ҳарбий-коинот кучлари авиазарбасидан ҳалок бўлгани ҳақидаги хабари ёлғон хабар деб аталди. 

Бу ҳақда АҚШ мудофаа вазирлиги ходимларига иқтибос келтирган ҳолда Reuters ахборот агентлиги хабар бермоқда. 

"Россия берган хабар сафсата", деб айтди улардан бири. Пентагон аввалроқ улар Аднанийни нишонда ушлаб туришганини маълум қилган.

Аввалроқ Россия мудофаа вазирлиги Суриянинг Ҳалаб вилоятида ал-Аднанийнинг йўқ қилинганини тасдиқлаганди. ИШИД ҳам унинг йўқ қилинганини тасдиқлаган.