Хитойнинг China International Marine Containers компанияси мутахассислари гигант шамол генераторлари парракларининг тоғли ҳудудларга қандай ташилишини кўрсатувчи видеони тасвирга олишди. Бир неча махсус тайёрланган юк машиналари 35 метр узунликдаги парракларни айланма йўллардан олиб ўтишмоқда. Видео компаниянинг Youtube каналида тақдим қилинди.

Видеода General Electric компаниясининг 1,5 мегаваттлик шамол электрон қурилмалари тасвирланган. Уларнинг таркибий қисмлари мунтазам равишда автопоездлар ёрдамида ташилади. Бироқ Хитой жанубидаги Юньнань провинцияси тоғларида бу мураккаб жараён жуда ғаройиб кўринар экан.

Шамол энергияси кўп мамлакатларда тез ўсиб бораётган соҳалардан бири ҳисобланади. 2015 йилда АҚШда бунёд қилинган янги электр станцияларининг деярли ярми шамол энергиясига асосланган. Уларнинг самарадорлик кўрсаткичлари тарихий максимумга етди.