Туркия президенти Ражаб Тойиб Эрдўған яқинда ички ишлар вазири истеъфога кетгандан кейин ҳукуматда янги тайинлашлар бўлиши мумкинлигини айтди, деб хабар бермоқда Reuters ахборот агентлиги. 

"Балки вақти келиб, сиз бундай ўзгаришларни бошқа вазирликларда ҳам кўришингиз мумкин, бироқ айни вақтда мен бу ҳақда бош вазирдан ҳеч нарса эшитмадим. Бизнинг ҳукумат белгиланган йўлдан кетишда давом этмоқда", деб айтди Эрдўған.  

Аввалроқ Туркия бош вазири Бинали Йилдирим мамлакат ички ишлар вазири Эфкан Аланинг истеъфога кетганини эълон қилганди.