1-сентябрь куни Россиянинг Санкт-Петербург шаҳрида антиқа ўғирлик содир этилди. 4 нафар киши BMW автосалонига кириб, BMW X6, BMW 7, BMW X5 ва BMW 5 русумининг «Гран туризмо» моделининг (жами қиймати 20 млн рублга яқин) эшикларини калитлари билан очиб, машиналарни юргизишган ва жуфтакни ростлашган. Буларнинг барчасига 2 дақиқа вақт ҳам кетмаган. 

Маълумотларга кўра, олибқочарлар дастлаб янги машиналарнинг иккинчи калитлари сақланадиган сейфни ўғирлашган. Ўғриларнинг сейф сақланган бино унчалик қўриқланмаслигидан хабардор бўлишган.