Tojikiston maxsus kuchlarining sobiq boshlig‘i Gulmurod Xalimov IShID harbiy qo‘mondonligiga boshliq bo‘ldi, deb xabar bermoqda Alsumaria telekanali.
Ta'kidlanishicha, u bu lavozimda Abu Umar ash-Shishaniy sifatida ma'lum bo‘lgan, sobiq gruziyalik harbiy Tarxan Batirashvili o‘rnini egalladi. Ma'lum qilinishicha, ash-Shishaniy mart oyida aviazarba bilan yo‘q qilingan.
Manbaning aytshicha, Xalimovning boshliq etib tayinlanishi unga ham zarba berilishi mumkinligi xavotiri sababli rasman e'lon qilinmagan.
O‘tgan yil may oyida Tojikistonda yo‘qolib qolgan Xalimov Suriyada IShID safida ekanligi ma'lum bo‘lgan. Joriy yil avgustda AQSh uni tutish uchun mukofot puli va'da qilgan.
