Ўзбекистон ва Қирғизистон ҳукуматлари раҳбарлари чегарадаги вазиятни муҳокама қилишди

Ўзбекистон 05 Сентябрь 2016 103235

Қирғизистон бош вазири Сооронбай Жээнбеков Ўзбекистон бош вазири Шавкат Мирзиёев билан Самарқандда учрашув ўтказди. Бу ҳақда Қирғизистон ҳукумати матбуот хизмати хабар берган.

"Учрашув 3 сентябрь куни Қирғизистон бош вазирининг Ўзбекистон президенти Ислом Каримовнинг дафн маросимига ташрифи доирасида бўлиб ўтди", дейилган хабарда.

Сооронбай Жээнбеков Қирғизистон президенти Алмазбек Атамбаев номидан таъзия билдирган. У  Ўзбекистоннинг биринчи президентининг мамлакатнинг мустақилликка эришиши, халқаро мавқеинининг мустаҳкамланиши ва мамлакат ижтимоий-иқтисодий тараққиётида муҳим ўрин тутганини эътироф этган.

Ўз навбатида Шавкат Мирзиёев Қирғизистон ҳукумати раҳбарига оғир кунда қўллаб-қувватлаб тургани учун миннатдорлик билдирган.

Учрашув чоғида ҳукумат раҳбарлари  савдо-иқтисодий, қишлоқ хўжалик соҳаси, транспорт инфратузилмасидаги ҳамкорлик истиқболларини муҳокама қилишган.

Шунингдек, учрашувда чегара ҳудудидаги вазиятга алоҳида эътибор қаратилган.

22 август куни Ўзбекистон ҳудудига ноқонуний ўтган қирғизистонликлар қўлга олинганди.

Наманган вилояти ИИБ ходимлари 22 август куни вилоятнинг Чортоқ туманида жойлашган Унгор-Тепа тепалигида паспорт режими текширувини ўтказган. Текширув жараёнида Ўзбекистон ҳудудида ноқонуний равишда бўлган Қирғизистон фуқаролари, Қирғизистон радио-теле станцияси ходимлари А.Урманов, Ж.Ташматов, У.Ералиев ва Н.Усупбаев қўлга олинган. Қонунбузарлар маҳаллий милиция бўлимига олиб келинган, уларга нисбатан Ўзбекистон қонунчилигига мувофиқ чора кўрилган.

ИИВ томонидан таъкидланишича, илгари эришилган икки томонлама келишувларга қарамасдан, Қирғизистон ҳуқуқ тартибот органлари беш ойдан ортиқ вақт давомида Наманган вилояти Косонсой тумани Ўрта-Тўқай аҳоли масканига озиқ-овқат маҳсулотлари, дори-дармон, ёнилғи-мойлаш материаллари ва бошқа зарур маҳсулотларни ўтказмасдан маскан аҳолисини қамалда ушлаб турган.

Бундан ташқари, Косонсой сув омборини қўриқлаш бўйича ўз хизмат вазифасини бажараётган Косонсой туман ички ишлар бўлими ходими Қирғизистон куч тизимлари томонидан ноқонуний қўлга олинган ва ушбу мамлакат ҳудудида ўн кундан ортиқ вақт давомида ушлаб турилган.

Кун янгиликлари
Ўзбекистонда иш ҳақлари ўз вақтида берилишини назорат қилиш чоралари кўрилади
14:12 / 26.02.2017 34974 Ўзбекистон
Дайжест: Президентга муовин рафиқа, ИШИДдан озод бўлган ерлар, энг кучли армия ва шов-шувли суиқасд тафсилоти
09:53 / 26.02.2017 28744 Жаҳон
Ҳиндистонда қайиқ ағдарилиши оқибатида 9 киши ҳалок бўлди
01:02 251 Жаҳон
Конор Макгрегорнинг кейинги рақиби ким бўлиши маълум қилинди
00:38 1402 Спорт
MWC 2017: Яна 2та флагман тақдим этилди
«Манчестер Юнайтед» бешинчи марта Лига кубогида зафар қучди
00:32 905 Спорт
Путин ва Назарбоев биргаликда ҳордиқ чиқардилар
00:18 3281 Жаҳон
"Титаник" ва "Ўзгалар" фильмларида роль ижро этган таниқли актёр вафот этди
23:46 / 26.02.2017 3301 Жамият
Умрбод бепул парвоз қилиш ҳуқуқига эга инсон ундан бирор марта фойдаланмади
23:41 / 26.02.2017 5212 Жамият
Замонавий математик физиканинг асосчиларидан бири вафот этди
23:33 / 26.02.2017 1416 Жамият
Кўпроқ янгиликлар