Россияда сентябрь бошидан бир куни қазиб олинадиган нефть ҳажми 11 млн баррелдан ошиб кетди, деб хабар бермоқда РИА “Новости” ахборот агентлиги.  

Bloomberg ахборот агентлигининг маълум қилишича, бундай кўрсаткич 1991 йилдан бери биринчи марта юз берди.  

Таъкидланишича, август ойида бу кўрсаткич июлга нисбатан 1,6 фоизга тушиб кетиб, кунига 10,71 баррелни ташкил қилган. 

Бундан аввалроқ Саудия Арабистони ва Россия энергетика вазирлари нефть бозорини барқарорлаштириш мақсадида қўшма баёнот имзолашди. Бундан ташқари, иккала давлат нефть қазиб олиш ҳажмини июль-сентябрь даражасида музлатиб қўйишга тайёрликларини билдирганлар.