АҚШ президенти Барак Обама федерал судья лавозимига биринчи марта АҚШ фуқароси бўлган мусулмоннинг номзодини таклиф қилди, деб хабар бермоқда Politico нашри.

Ҳуқуқшунос Обид Риёз Қурайший Вашингтонда яшайди ва Оқ уй томонидан Колумбия округи федерал судида ишлаш учун номзоди билдирилди. 

"Мен жаноб Қурайшийни АҚШ федерал судида ишлаш учун таклиф қилишдан хурсандман. У америка халқига ҳалол ва қонунга амал қилган ҳолда хизмат қилишига ишончим комил", деб айтди Обама.

Қурайший Latham & Watkins LLP ҳуқуқшунослик фирмасида ишлайди. 1997 йилда Гарвард университетининг Ҳуқуқ мактабини битирган. Энди унинг номзоди маъқулланиб, тасдиқланиши лозим.