БМТ Хавфсизлик Кенгаши (ХК) 9 сентябрда КХДР бўйича фавқулодда йиғилиш ўтказади. Бу ҳақида Ренхап агентлигига Жанубий Корея дипломатик доираларида хабар беришди.

КХДРнинг навбатдаги ядровий синовидан сўнг Жанубий Корея, Япония ва АҚШ БМТга Хавфсизлик Кенгаши йиғилишини ташкиллаштиришга оид қўшма сўров билан мурожаат қилишган эди.

Маҳаллий вақт билан соат 9:30да КХДРда 5,0 магнитудали зилзила қайд этилди. Жанубий Корея президенти Пак Кин Хе ва Япония ҳукумати бош котиби Ёсихидэ Суга КХДРдаги сейсмик ҳодиса ҳақидаги хабар пайдо бўлгандан кейин Шимолий Корея ўз мамлакатида навбатдаги ядровий синовини ўтказганини маълум қилишди. 

Жанубий Корея ҳарбийларининг сўзларига кўра, портловчи қурилманинг кучи тахминан 10 килотонни ташкил қилган, бу январь ойида ўтказилган 6 килотоннли портлаш кучидан деярли икки баробар кўп.