Ford Шимолий Америкада 2,3 миллиондан ортиқ машинасини чақириб олади

Технология 09 Сентябрь 2016 3655
© РИА Новости

Американинг йирик автомобилсозлик гиганти Ford Motors компанияси Шимолий Америкада сотилган 2,3 миллиондан ортиқ автомобилини қайтариб олади. Бунга, машина эшикларидаги носозлик сабаб бўлган. Маълум бўлишича, ён эшиклар қулфларидаги нуқсон уларнинг ҳаракат вақтида очилиб кетишига олиб келган, дейилади компания сайтида. 

Хабарда айтилишича, эшик қулфидаги нуқсон йўловчиларнинг жароҳат олиш эҳтимолини кучайтиради. Компаниянинг қайд этишича, улар худди шундай муаммо туфайли 3 кишининг жароҳат олгани тўғрисида маълумотга эга. 

Шундай қилиб, Ford Focus (2012-2015 йилларда ишлаб чиқилган), Ford Mustang (2015 й), Ford C-MAX ва бир неча бошқа моделларнинг АҚШ, Канада ва Мексикада сотилган намуналарига техник хизмат кўрсатилади.  
 

Кўпроқ янгиликлар