Сирдарёда 5 тонна пахта терган оилага кир ювадиган машина, 10 тонна учун эса музлатгич берилади

Ўзбекистон 09 Сентябрь 2016 19403

Сирдарё вилоятида пахта хом-ашёсини қисқа муддатларда йиғиб-териб олишни ташкил этиш мақсадида аниқ чора-тадбирлар ишлаб чиқилган. Бу ҳақда вилоят ҳокимлиги ахборот хизмати хабар берган.

Вилоятда катта харажатлар эвазига етиштирилган пахта хом-ашёсини ёғин-сочинли кунларга қолдирмасдан, қисқа муддатларда йиғиб-териб олишни ташкил этиш мақсадида, вилоят ва туман ҳокимликлари томонидан аниқ чора-тадбирлар ишлаб чиқилган.

Жумладан, илғор теримчиларни рағбатлантириш тизими мавжуд ва бу вилоят аҳолисига етказилган. Хусусан, «ҳар куни терилган пахта учун нақд пул берилади».

Шунингдек, 5 тоннадан ортиқ пахта терган оилага телевизор, оиласи билан 10 тонна пахта терган хонадон эгасига музлатгич, кир ювадиган машина берилади, 15 тонна пахта терган хонадон эгасига эса — ўз маблағи ёки кредит эвазига — навбатсиз енгил машина берилади.

Қолаверса, 5 кун давомида 750 килограммдан 1 тоннагача пахта терган илғор теримчига бепул телевизор берилиши ваъда қилинган.

«Юртимизнинг гуллаб-яшнашида қишлоқ хўжалигидан, айниқса, пахта ҳосилидан олинадиган даромад муҳим аҳамиятга эга. Шу даромад эвазига халқимиз чиройли уйлар қуради, фарзандларига тўйлар қилади. Шу билан бирга, ушбу даромадлар эвазига шаҳар ва қишлоқларимизда янгидан янги мактаблар, шифохоналар, маиший хизмат кўрсатиш шохобчалари, корхоналар қад кўтаради, бу эса жойларда кўплаб янги иш ўринларини яратиш имконини беради.

Бу йилги етиштирилган ҳосил ҳар йилгидан мўл бўлди. У қисқа муддатларда йиғиштириб олинади ва муҳтарам Юртбошимизга берилган ваъданинг устидан чиқилади», — дея қўшимча қилинган вилоят ҳокимлиги ахборот хизмати хабарида.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50450 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66437 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35552 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20367 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77328 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60877 Жамият
Ҳукумат ўқитувчи ва шифокорларни пахта теримига жалб этишни тақиқлади
«ПСЖ» Ди Марияни «Барселона»га сотиш нархини маълум қилди
20:34 866 Спорт
103 ёшли комбожалик аёл АҚШ фуқаролигини қабул қилди
20:25 349 Жаҳон
Чадда Қатар элчихонаси ёпилиши эълон қилинди
20:15 426 Жаҳон
Кўпроқ янгиликлар