Канаданинг Electra Meccanica компанияси уч ғилдиракли Solo электрокарининг серияли намунасини тақдим этди. Янги электромобиль савдоси 2017 йилдан бошланади. Бир ўриндиқли электрокарнинг габарит узунлиги 3,04 метрни ташкил этиб, вазни 450 кгга тенг. Аэродинамик қаршилик 0,24ни ташкил этган. Унинг юкхонаси 250 литр юкка жой бўлади. 

Унга алюминийдан ясалган, 82 от кучига электр мотор ўрнатилади. Электрокар ўрнидан соатига 100 км тезликка саккиз сонияда эриша олади. Унинг энг юқори тезлиги соатига 130 кмни ташкил этади. 

Тўпламдаги 16,1 кВт соат ҳажмли аккумулятор қуввати 160 км масофага етади. 

Ҳозирда, «Соло»га қабул қилинаётган буюртмалар 19 минг 888 Канада доллари (15,4 АҚШ доллари)дан бошланади. Electra Meccanica ўз маҳсулотини АҚШда ҳам сотишни режалаштирмоқда.