Tojikiston futbol federatsiyasining rasmiy tvitterida «Hamdo‘stlik kubogi-2016» nomidagi musobaqada O‘zbekiston va Tojikiston o‘smirlari o‘rtasidagi ommaviy mushtlashuvda mamlakat terma jamoasi ishtirok etmagani ma'lum qilindi.
«Rasman bayonot beramiz, Tojikiston futbol federatsiyasi bunday nomdagi musobaqaga jamoa yubormagan» - deyilgan xabarda.
Bundan avvalroq Rossiyaning Bratsk shahrida o‘smirlar o‘rtasida «Hamdo‘stlik kubogi-2016» musobaqasi finalida O‘zbekiston va Tojikiston terma jamoalari o‘rtasida kechgan bahs ommaviy mushtlashuv bilan yakunlangani haqida xabar paydo bo‘lgandi.
