Футбол бўйича 2018 йилги жаҳон чемпионатининг расмий тумори 26 октябрь куни танланади. Бу ҳақда Россия футбол иттифоқи (РФИ) ва "Россия-2018" ташкилий қўмитаси раҳбари Виталий Мутко маълум қилган.

"Овоз беришлардан кейин 3та вариант қолди: бўри, мушук ва шер. 26 октябрь куни улардан бирини танлаймиз. Яқин вақт ичида кенг миқёсда овоз беришлар ўтказилади. Ҳар бир киши овоз бериш ҳуқуқига эга бўлади. Тумор Биринчи канал эфири орқали намойиш этилади", дея Мутконинг сўзларини келтирган ТАСС.

Россия мезбонлик қиладиган 2018 йилги мундиал 2018 йилнинг 14 июнидан 15 июлига қадар бўлган вақт давомида Россиянинг 11 шаҳридаги 12та стадионда ўтказилади.

Манба: Tribuna.uz