Beeline алоқа оператори 2016 йилнинг охирига қадар LTE технологияси базасида Тошкентни 4G тармоғи билан таъминлашни режалаштирмоқда. Бу ҳақида операторнинг тижорат директори Максим Ефремов хабар берди. 

Унинг таъкидлашича, Beeline компанияси Тошкентни LTE тармоғи билан қамраб олишни сезиларли даражада кенгайтирди. Ефремов йил охирига қадар пойтахт тўлиқ LTE тамроғи билан қамраб олинишини маълум қилди. 2017 йилда эса Ўзбекистоннинг бошқа шаҳарларида ҳам мазкур технология қўлланади. 

Beeline компаниясининг LTE тармоғи LTE 850 (band 19 и band 5) частоталарида фаолият кўрсатади.  

Beeline алоқа оператори янги "4G oy 15000 Mb", "4G oy 30000 Mb" ва "4G oy 60000 Mb" пакетларини тақдим этади. Янги пакетлар абонентларнинг интернет трафикларига ортиб бораётган талабларини қондиришга йўналтирилган. 

LTE технологияси  – учинчи авлод уяли алоқа тармоқлари эволюциясининг асосий йўналиши. Бугунги кунда 4G  70 Мбит/с'гача бўлган максимал тезликда мобил хизматлар тезлиги билан таъминлайди.