Ўзбекистонда дронлар рўйхатдан ўтказилади

Ўзбекистон 14 Сентябрь 2016 38464

Вазирлар Маҳкамасининг 2016 йил 31 августдаги 287-қарорига мувофиқ, Ўзбекистон Республикаси фуқаролик ва давлат авиациясида дронлар (учувчисиз учар қурилмалар) эксплуатацияси тартиби тўғрисидаги Низом тасдиқланди.

Эслатиб ўтамиз, Вазирлар Маҳкамасининг 2014 йил 26 ноябрдаги 322-сонли қарорига кўра, 2015 йилнинг 1 январидан дронларни (код ТН ВЭД 8802 20 000 0)  Ўзбекистон ҳудудига олиб кириш, уларни сотиш ёки фойдаланиш тўлиқ тақиқланган. 2016 йилнинг май ойидан эса Ҳукумат дронлар импорти, сотилиши ва учирилишига алоҳида қарорлар асосида рухсат бериш имкониятини кўриб чиқди. 

Янги ҳужжат ўйинчоқлар, авиамоделлар ва дронлар ўртасидаги фарқни белгилаб беради. 

Фуқароларнинг шахсий эҳтиёжларини қондириш учун фойдаланувчи, вазни 250 граммдан оғир бўлмаган, ТН ВЭД 8802 20 000 0 кодига тўғри келмайдиган, парвозни автоном бошқариш ва навигация функцияларисиз, фото ва видеоускуналар билан жиҳозланмаган учар қурилма ҳаво кемасининг ўйинчоқ модели сифатида тан олинади. Ўйинчоқ моделларни ҳаво кенглигида қўллаш учун рухсат сўраш талаб қилинмайди. Ҳаво кемасининг ўйинчоқ моделлари парвози 50 метргача бўлган баландликда, аэродромлар ҳудудидан 150 метрдан яқин бўлмаган масофада, одамларга хавф туғдирмайдиган жойда, учар қурилмани назоратдан қочирмаган ҳолатда амалга оширилади. 

Ўйинчоқ билан авиамоделни адаштирманг, авиамодель - вазни 250 граммдан ортиқ, парвозни автоном бошқариш ва навигация функциясисиз, фото ва видеоускуналар билан жиҳозланмаган, ўқув, спорт ҳамда маданий-маърифий тадбирларни ўтказиш, техник ижод ривожи учун мўлжалланган. Авиамоделлар парвози ҳаво кемалари парвози учун махсус ҳудудларда қонунчиликка мувофиқ амалга оширилади. 

Ўйинчоқ ва авиамодель тавсифига тушмаган ҳар қандай ҳаво кемаси дрон, яъни учувчисиз учар қурилма ҳисобланади. 

Дронлар эксплуатациясини йўлга қўйиш учун дастлаб радиоэлектрон воситаларидан фойдаланишга рухсат олиш керак бўлади, зеро дронлар бундай воситалар билан жиҳозланган бўлади. 

Дронлар эксплуатацияси Ўзбекистон Республикасининг парвозлар хавфсизлигини назорат қилиш бўйича Давлат инспекцияси томонидан амалга оширилади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30724 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16873 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66348 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57557 Жамият
Трамп АҚШ ҳукуматини ёпиш билан таҳдид қилди
10:50 2233 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 3095 Жаҳон
Шайхонтоҳур туманидаги қасддан одам ўлдириш фош этилди
10:27 2725 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Тожикистон-Хитой товар айланмаси 3 йилдан сўнг 3 млрд долларга етади
10:18 714 Жаҳон
Кўпроқ янгиликлар