Каринтияда (Австралия) яшовчи  қиз 7 йил давомида унинг “ўнғайсиз ва очиқ-ойдин” суратларини Facebook’га рухсатсиз жойлаштирган ота-онасини судга берди. Бу ҳақида The Local нашри маълум қилди. 

Исми шарифи ошкор этилмаётган қизнинг ҳуқуқини ҳимоя қилувчи  адвокатининг сўзларига кўра, унинг ота-онаси ижтимоий тармоқда фарзандининг 500тача суратини жойлаштирган. Адвокатнинг айтишича, у бу суратлар қизнинг шахсий ҳаётига доир ҳуқуқини поймол этганини исботласа, қиз ноябрда кўриб чиқилиши режалаштирган суд ишида ғолиб бўлиши мумкин. 

 “Ота-онам мени жиддий қабул қилмаслигидан чарчадим. Улар суратларни жойлашга уялишмаган ва бунда чегара билишмаган – ҳожатхонада ўтирганим борми ёки кроватда яланғоч ётганимми – ҳаммаси суратга олиниб, жамоатчилик билан бўлишилган”. 
Даъвогар

Австралиялик қизнинг отаси бу суратлардан ўз хоҳишига кўра фойдаланиши мумкинлигини таъкидламоқда, зеро суратлар муаллифи – унинг ўзи. Қиз суд ишида ғолиб бўлган тақдирда, унинг ота-онаси фарзандига товон пули тўлашга ҳамда суд харажатларини қоплашга мажбур бўлади.