Филиппин ТИВ раҳбари: Биз тоабад Американинг "кичик қора укаси" бўлиб қолмаймиз

Жаҳон 16 Сентябрь 2016 10065

Филиппин ташқи ишлар вазири Перфекто Ясай унинг мамлакати АҚШнинг "кичик қора укаси" бўлиб қолишни истамаслигини маълум қилди. Бу ҳақида The Diplomat нашри хабар берди. 

Ясайнинг сўзларига кўра, Вашингтон Манилани тенг ҳуқуқли ҳамкор сифатида кўриши керак. Филиппин ТИВ раҳбари гиёҳванд моддалар сотувчилари билан курашиш усулларининг танқид қилинишига изоҳ берар экан, Қўшма Штатлар унинг мамлакатини инсон ҳуқуқлари бўйича Америка стандартларига риоя қилишга мажбур қилавермай, уларнинг ҳаракатини тушунишга ҳаракат қилишлари кераклигини таъкидлади. 

"Биз тоабад Американинг кичик қора укаси бўлиб қола олмаймиз", - деди у Вашингтонда бўлиб ўтган Тинч океани форумида. 

Шу тариқа Филиппин ташқи ишлар вазири АҚШнинг собиқ президенти Уильям Говард Тафтнинг мустамлакачилик йилларида айтган сўзларига жавоб қайтарди. Президент бўлишидан аввал Филиппиннинг биринчи генерал-губернатори (1901-1904) бўлган Тафт "кичик қора укалар инглиз-саксон сиёсий тамойиллари ва кўникмаларига яқин келувчи бирор нима ишлаб чиқиши учун АҚШнинг қатъий назорати остида 50 йилдан 100 йилгача тер тўкишига тўғри келади", деб айтган. 

Жорий йилнинг баҳорида ҳукумат тепасига ўтирган Родриго Дутерте маҳаллий гиёҳвандфурушлар билан шафқатсиз курашишда давом этмоқда. Хусусан, полиция гумондорнинг яшириниш ёки қаршилик қилишга ҳаракат қилаётганини кўрган тақдирда, унга қарата ўқ очиш ҳуқуқига эга. Полиция ходимлари бу ҳуқуқдан фойдаланиб, сўнгги ойларнинг ўзида юзлаб гиёҳвандфурушларни отиб ташлашди. Маҳаллий ҳуқуқ ҳимоячилари ва халқаро ташкилотлар бундай ҳаракатларни суд ташқарисидаги қотиллик, деб ҳисоблаб, бунда ҳукуматни айблашмоқда.

 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар