ОАВ Unilever’нинг актриса Жессика Альбанинг компаниясини сотиб олмоқчи эканлигидан хабардор бўлди

Маданият 16 Сентябрь 2016 10081

Dove ва Domestos каби брендлар эгаси Unilever компанияси Голливуд актрисаси Жессика Альба томонидан асос солинган ва экологик болалар тагликлари ва гигиеник воситалар ишлаб чиқарувчи Honest Co. компаниясини сотиб олиш бўйича музокаралар олиб бормоқда. Бу ҳақда The Wall Street Journal ўз манбаларига иқтибос келтирган ҳолда хабар бермоқда. 

Нашр манбалари маълумотларига кўра, Unilever 1 млрд доллардан кўпроқ қийматга эга битимни муҳокама қилмоқда. Музокаралар илк босқичида турибди, Honest акцияларини биржага чиқариши ҳам мумкин.

Honest компанияси 2011 йилда яратилган. Компания 100 дан ортиқ маҳсулот, жумладан гипоаллерген кир ювиш кукунлари ва маиший тозалаш воситалари, болалар тагликлари, шахсий гигиена воситалари ва косметик маҳсулотлар ишлаб чиқаради. Honest ўз маҳсулотини сайти ва Target ва Whole Foods Markets каби ретейлерлар орқали сотади.

Нашрнинг ёзишича, компания фаолияти давомида 200 млн доллардан кўпроқ инвестиция жалб қилган ва баъзи инвесторлар олдида агар компания сотиладиган бўлса улар киритган маблағни икки ҳисса қилиб қайтаришга ваъда берган. 2015 йилда компания 1,7 млрд долларга баҳоланган. Маълумотларга кўра, компания йилига 300 млн долларга яқин даромад олади. 

Компания асосчиси Жессика Альба 2016 йилда Forbes журналининг ўз давлатини мустақил равишда тўплаган АҚШнинг энг бадавлат аёллари рейтингига биринчи марта кирди. Альба бу рўйхатда 42-ўринни эгаллади. Нашр унинг бойлигини 340 млн долларга баҳолаган. 

Unilever компаниясининг Honest’ни сотиб олиши тез суръатлар билан ўсаётган экологик тоза тозалаш ва гигиена воситалари бозорида ўз мавқеини мустаҳкамлаб олишига имкон беради. Unilever ўз маҳсулотларини бутун дунёда сотади, бироқ АҚШда Honest билан рақобатлашмайди.

Honest эса Procter & Gamble ва Clorox каби йирик компаниялар билан истеъмолчиларга кучли кимёвий моддалардан ҳоли тозалаш воситаларини тақдим қилишга ваъда бериб рақобатлашишга уриниб келади. 

 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57732 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33364 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41103 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5049 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16859 Ўзбекистон
16 август куни Тошкентда юз берган йўл-транспорт ҳодисалари
11:50 3419 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 1086 Жамият
ОАВ: Россияда пластик пуллар пайдо бўлади
Кўпроқ янгиликлар