Россия банки матбуот баённомасида хабар қилинишича, Банк бошқаруви асосий фоиз ставкасини 0,5 фоизга, йиллик 10 фоизгача туширган. 

"Россия Марказий банки директорлар кенгаши 2016 йил 16 сентябрдаги йиғилишида асосий фоиз ставкасини 10 фоизга тушириш тўғрисида қарор қабул қилди. Бунда, беқарор иқтисодий фаоллик сақланиб қолаётган бир вақтда пул қадрсизланиши пасайиши ва прогнозларга биноан инфляциянинг секинлашуви эътиборга олинган. Шу билан бирга, инфляциянинг барқарор пасайишини сақлаб қолиш учун, Россия банкига кўра, 2016 йил охирига қадар асосий фоиз ставкасини сақлаб қолиш ва 2017 йил биринчи-иккинчи чорагида янада пасайтириш имкониятини яратиш лозим бўлади", — дейилади Россия Марказий банки хабарида.