Футбол миллионлар ўйини - бу бор гап. Шунга кўра, ундаги ўйинчилар, айниқса дунёга машҳур ўйинчилар атрофида турли хил машмаша ва миш-мишлар бўлиши шубҳасиз. Бу ҳолат, аввал ҳам бўлган, ҳозир ҳам давом этмоқда. Аммо, футболчилар ҳам ўз номусларини поймол қилдириб қўядиган анойилардан эмаслигини вақтида жавоб қайтариш билан намойиш этишади. Қуйида, Криштиану Роналдунинг ўз шаънига билдирилган турли хил муносабатларга жавобларидан бохабар бўлишингиз мумкин.