Россиянинг Сочи шаҳрида 17 сентябрда Россияда бўлиб ўтадиган 2018 йилги жаҳон чемпионатигача қолган вақтни орқага сановчи соат тантанали равишда ишга туширилди. Бу соат футбол мухлисларининг бирлашадиган маркази бўлади, деб айтди шаҳар мэри Анатолий Пахомов.

Шу муносабат билан шаҳарнинг Денгиз портидаги хиёбонда соатнинг ишга туширилиши тантанали маросими бўлиб ўтди. Тақвим ва ҳакам табличкаси кўринишидаги Hublot циферблатига эга рақамли соатлар Wi-fi-роутер ва исталган мухлис фойдалана олиши мумкин бўлган ички камера билан жиҳозланган. Жаҳон чемпионатининг рамзи билан тушилган фотосуратни ўз электрон почтасига юбориш мумкин.

"Бу тарихий воқеа, чунки биз бугун орқага сановчи соатни ўрнатдик. Бу соат бизга 2018 йилги жаҳон чемпионатига қанча вақт қолганини эслатиб туради. Биз шу қолган вақт ичида бу муҳим воқеага тайёргарлик кўрамиз. Фикримизча, бу соатлар футбол фанатлари, мухлисларининг бирлашиш рамзи бўлади", деб айтди Пахомов.

Пахомовнинг айтишича, Сочи инфратузилмаси жаҳон чемпионатини қабул қилишга, шаҳар аҳолиси ўз меҳмондўстлигини кўрсатишга тайёр. Маросимда Рио Олимпиадаси олтин медали соҳиби тенннисчи Елена Веснина ва футболчи Дмитрий Буликин фахрий меҳмонлар бўлдилар.

"Биз она шаҳримизда бундай катта тадбирни ўтказишдек бахтга муяссар бўламиз. Мен ўйлайманки, у кўтаринки кайфиятда ўтади. Мен барчани бу билан табриклайман ва терма жамоамизга омад тилаб қоламан", деб айтди Веснина.