АҚШлик телебошловчи Жимми Фэллон собиқ давлат котиби, Америка президентлиги учун демократлар номзоди Ҳиллари Клинтон билан суҳбатлашишдан аввал, ўзининг соғлиғи борасида қайғуриб, тиббий ниқобни тақиб олди. У, Ҳилларига қўйилган зотилжам касаллигини юқтириб олмаслик учун The Tonight Show дастурини ёзиб олиш вақтида шундай йўл тутган. 

Фэллон ўз соғлиғи билан таваккал қилишни хоҳламагани боис, президентлик учун номзод билан суҳбатда ниқоб ёрдамидан фойдаланишга қарор қилган. 

Ҳиллари Клинтон 2001 йил 11 сентябрь воқеаларига бағишланган хотира маросимида ўзини ёмон ҳис қилган эди. Клинтоннинг шахсий шифокори беморга зотилжам ташхисини қўйган эди.