Бутунжаҳон аксилдопинг агентлиги (WADA) Fancy Bears хакерлик гуруҳи томонидан агентликнинг маълумотлар базаси ADAMS бузиб кирилгандан кейин гуруҳ томонидан чоп этилган маълумотларнинг учинчи қисми ҳақиқий эканлигин тасдиқлади. Бу ҳақда WADA расмий сайтида маълум қилинди.  

Агентликда таъкидланишича, айни вақтда маълумотлар базасини яхшилаш бўйича киберхавфсизлик соҳасидаги ва ҳуқуқ-тартибот муассасаларининг энг яхши мутахассисларини жалб қилган ҳолда иш олиб борилмоқда. Агентликда янги маълумотлар чоп этилиши кутилмоқда.    

"Хакерлик гуруҳи ўзининг биринчи мақолаларида яна кўпроқ маълумотлар чоп этиш билан таҳдид қилганди. Шунинг учун, афсуски, бу кутилмаган ҳолат бўлмайди ва биз бунга тайёр туришимиз керак. Барча манфаатдор томонлар WADA вакиллари томонидан халқаро ҳуқуқ-тартибот муассасалари ҳамда киберхавфсизлик соҳасидаги мутахассислар билан ADAMS тизими ҳимояланган бўлишини кафолатлаш учун маслаҳатлашувлар олиб борилаётганини билиши керак", дейилди WADA хабарида.

Шунингдек, спортчиларга даволаш мақсадида тақиқланган воситаларни қўллаш учун ҳуқуқ берувчи шароитлар ҳам маълум бўлди. Биринчи навбатда бундай рухсатларни спорт федерациялари ва аксилдопинг ташкилотлари берган ва бу даволашда қўллашнинг халқаро стандартлари шартларига мос келгандагина бу ҳолатлар WADA томонидан ўрганиб чиқилган.

Аввалроқ хакерлик гуруҳи америкалик етакчи спортчилар WADA рухсати билан тақиқланган моддаларни мунтазам равишда истеъмол қилганлари ҳақидаги ҳужжатларни чоп этганди. WADAнинг мустақил комиссияси раҳбари Ричард Макларен тақиқланган моддалар сақлаган воситалар қўлланганини тан олган.