Қатар Юлдузлар Лигасининг янги мавсум баҳслари старт олди. 

Дастлабки турда "Ал Жаиш" жамоаси ўз майдонида "Ал Вакра"га қарши баҳс олиб борди ҳамда 2:1 ҳисобида ғалаба қозонди. Учрашувнинг 26-дақиқасида Ўзбекистон терма жамоаси футболчиси Сардор Рашидов гол киритишга эришди. Кейинчалик Ромариньо пенальтидан тўп киритиб, "Ал Жаиш"нинг ғалабасига ҳисса қўшди. 

Учрашувнинг 89-дақиқасида Рашидов заҳирага олинди. Шу тариқа, "Ал Жаиш" мавсумни ғалаба билан бошлади.

"Ал Жаиш" - "Ал Вакра" - 2:1

Голлар: Сардор Рашидов, 26, Ромариньо, 52 пен - Оливейра, 74.