Google’нинг янги мессенжери 21 сентябрда чиқади

Технология 19 Сентябрь 2016 3898

Google’нинг янги мессенжери – Allo дастури ҳақидаги илк маълумотлар май ойида ўтган I/O анжуманида пайдо бўлганди.

Google Allo’нинг чиқиши санаси ҳақида интернетда @evleaks тахаллуси билан маълум бўлган Evan Blass маълум қилди. У ўзининг твиттердаги саҳифасида мессенжер 21 сентябрда чиқишини маълум қилган.

Дастурчиларнинг айтишича, дастур Google’даги ҳисобга олувчи ёзувга эмас, телефон рақамига боғланади. Мессенжер Expressions функциясини олади, унинг ёрдамида фойдаланувчи ўзининг ҳис-туйғуларини аниқроқ ифода қилиш учун юборилаётган хабардаги матн ўлчамини танлай олиши мумкин бўлади.  

Яна бир кутилаётган функция Smart Reply бўлиб, у фойдаланувчига суҳбатдошининг хабарларига ақлли жавоб вариантларини тақдим қилади. Бунда доимо такомиллашадиган алгоритм ҳаттоки фотосуратлардаги объектларни ҳам таний олади.

Google август ўртасида видеоқўнғироқлар учун Duo дастурини ишга туширганди. Дастурнинг ўзига хос жиҳати Knock Knock функцияси бўлиб, унга кўра фойдаланувчи қўнғироққа жавоб беришдан аввал суҳбатдошининг олд камерасидаги тасвирни кўра олади. 

 

Кўпроқ янгиликлар