Қирғизистон президенти Алмазбек Атамбаев даволаниш учун Истанбулда сентябрь ойи охиригача қолади. Бу ҳақда Anadolu хабар берган.

Агентлик маълумотига кўра, елкасида оғриқ сезган давлат раҳбари Туркияда сентябрь ойи охирига қадар жиддий тиббий текширувдан ўтказилади.

Атамбаев айни вақтда Измир вилоятидаги Чашми шаҳридаги меҳмонхонада тикланиш жараёнини ўтамоқда.

У жойлашган меҳмонхона ҳудудида тез тиббий ёрдам шифохонаси навбатчилик қилмоқда.

Қирғизистон президенти 19 сентябрь куни БМТ Бош Ассамблеясининг 71-сессиясида иштирок этиш учун АҚШга йўл олганди. Самолёт Нью-Йоркка учиш давомида Туркиядаги Отатурк аэропортига қўнганида президент ўзини ёмон ҳис қилди ва кўкрагидаги оғриқдан шикоят қилди.

Юзага келган муаммо туфайли Қирғизистон президентининг Нью-Йоркка ишчи ташрифи бекор қилинди, у ерда у БМТ Бош Ассамблеяси сессиясида умумий мунозараларда қатнашмоқчи эди.

Шундан сўнг у меҳнат таътилига чиққани ва 1 октябргача ишга қайтмаслиги маълум бўлди.