GoPro сув ўтказмайдиган Hero 5 камералари ҳамда илк дронини тақдим қилди

Технология 20 Сентябрь 2016 2822

Экшн-камералар ишлаб чиқарувчиси GoPro 19 сентябрь куни сув ўтказмайдиган Hero 5 Black ҳамда Hero 5 Session камералари, шу билан бирга ўзининг илк Karma дронини тақдим қилди. Бу ҳақида The Verge хабар берди. 

Янги камералар корпуси намликка чидамли қилиб ишланган ва шу боис улар суюқлик ўтказмайдиган қўшимча ҳимояга муҳтож эмас. Қурилма билан сув остига 10 метр чуқурликкача тушса бўлади. 4К камералар сониясига 30 кадр тезлигига эга. Hero 5 Black'да 12 мегапикселли суратларни муҳрлаш мумкин, Hero 5 Session'да эса - 10 мегапикселли. 

Камералар овозли бошқарув функцияси ҳамда 7 хил тилни қўллаб-қувватлайди. Hero 5 Black камераси 2 дюймли сенсор экран билан таъминланган, шунингдек RAW форматдаги тасвирларни тақдим этади. Бундан ташқари, камерада GPS модули мавжуд. 

Қурилма 2 октябрдан сотувга қўйилади. Hero 5 Black'нинг баҳоси - 399 доллар, Hero 5 Session эса - 299 доллар. 

Karma йиғма дрони 1 килограмм вазнга эга бўлиб, у Hero 5 Black, Hero 5 Session ва Hero 4 камералари билан уйғунлаша олади. Квадрокоптер камерани мустаҳкамлаш учун уч ўқли стабилизатор билан таъминланган, унинг ўзини олиб, алоҳида ишлатиш ҳам мумкин. 

Квадрокоптернинг тезлиги - соатига 56 километр, у фойдаланувчидан 1 километргача узоқлашиб, 4,5 километрли баландликка кўтарилишга қодир.  

Karma 2016 йилнинг 23 октябридан сотувга қўйилади, унинг нархи 799 долларни ташкил қилади. Дрон Hero 5 Black камераси билан бирга сотилганда 1 099 долларга тушади, Hero 5 Session билан эса - 999 доллар. 

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24973 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54854 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65315 Жамият
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
Хитой шимолида жуда йирик газ кони топилди
15:34 199 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 506 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 352 Жаҳон
Ўзбекистон ва Ҳиндистон ўртасида 150 млн долларлик 42та ҳужжат имзоланди
АҚШ ҳукумати Amazon’нинг 13,7 млрд долларлик харидини маъқуллади
Кўпроқ янгиликлар