АҚШ президентлигига Республикачилар партиясидан номзод Дональд Трампнинг ўғли ўзининг твиттерида суриялик қочқинларни заҳарланган Skittles конфетларига қиёслади

"Агар менинг бир ликопча конфетим бўлса-ю, улардан учтаси заҳарланганлигини айтсам, уларни олган бўлармидингиз? Бу - биздаги суриялик қочқинлар муаммоси", - деб ёзилган Кенжа Дональд Трампнинг Skittles конфетлари сурати туширилган саҳифасида. 

Трамп хабарда АҚШни биринчи ўринга қўймайдиган масалалар билан шуғулланишни тўхтатиш зарурлигини таъкидлаган. 

Маълумки, АҚШ июнь ва июль ойларида ўтган 8 ойга нисбатан кўпроқ қочқинларни қабул қилган.